ԱՐԱԳՈՒԹՅԱՆ ԿԱՐԵՎՈՐՈՒԹՅՈՒՆԸ

Միգուցե օգտակար հմտություններից մեկը, որը մենք կարող ենք տիրապետել, արագ գործելու ունակությունն է: Փաստացի, որքան արագ ենք կյանքի կոչում մեր մտահղացումները, այնքան ավելի ենք զարգանում ինքներս մեզ։ Բայց գործելու համար պետք է ինչ-որ տեղից գտնել որևէ մտահղացում: Մտահղացումը կարող է ձեզ հասնել՝ ցանկացած վայրում գտնվելիս, օր․՝ լոգանք ընդունելիս, սուրճ խմելիս կամ ուտելիս, աշխատանքի գնալիս և այլն։

Իսկ եթե մտահղացում արդեն ունեք, կարելի է գործել՝ ըստ հետևյալ քայլերի․

1. Պետք է հասկանալ, որ եթե չսկսեք հիմա և շարունակեք հետաձգել մինչև վաղը, հավանականությունը մեծ ծրագրերի իրականացման քայլ այլ քայլ կկորի:

2. Մտահղացումն ունի միայն 37 վայրկյանի կյանք, այդ իսկ պատճառով, գրեք այն ձեր նոթատետրում, հեռախոսում կամ հիշեք այն։ Եթե հիշողությունը թույլ է, մի քանի անգամ կրկնեք՝ այն մտապահելու նպատակով:

3. Այն մտահղացումը, որ դուք գտնում եք, դուք ունենում եք դրան առնչվող որոշակի մոտիվացիա, քանի որ դուք արդեն գիտեք այդ մտահղացման հետևանքները և արդեն պատկերացնում եք ձեր գլխում դրա հաջող իրականացումը։

4. Եթե 72 ժամվա ընթացքում որևէ գործողություն չձեռնարկեք, ձեր մոտիվացիան իսպառ կվերանա և մտահղացումը ձեր կողմից կմոռացվի, և ձեզ համար շատ ավելի դժվար կլինի այն գեներացնել:

5. Եթե սկսել եք ինչ-որ բան անել, անպայման նպատակ դրեք ձեր դիմաց և բաժանեք դրա իրականացումը մի շարք փոքր քայլերի, որոնք հեշտությամբ կարող եք իրականացնել:

6. Սկսեք գործել հենց հիմա, հետամուտ եղեք և գնացեք մինչև վերջ։

7․ Առավոտյան արեք ամենակարեւոր գործերը։ Երբ դուք նոր եք արթնացել, ձեր գլուխը լցված չի լինում աղբով, որը մենք կուտակում ենք օրվա ընթացքում: Դուք պատրաստ եք ընկալել նոր տեղեկատվություն, և առավոտյան ավելի հեշտ կլինի հիշել այն: Առավոտը հիանալի ժամանակ է սկսել ու իրականացնել ձեր ցանկությունները, նպատակները, մտահղացումները և դրանց ուղղված քայլերը: Ցանկանու՞մ եք գիրք կարդալ: Ինչու դա չանել առավոտյան: Որոշե՞լ եք գիրք գրել: Առավոտը հիանալի ժամանակ է մտքերի գեներացման համար, թե ինչի մասին կարող է լինել գիրքը:

Եթե դուք քնում եք մինչև կեսօր կամ առավոտյան ժամը տասը, ձեզ պետք է հիասթափեցնեմ. քանի որ կարգապահության բացակայությունը վերացնում է ձեր մեջ հսկայական ծրագրերի իրականացման մոտիվացիան։ Կարգապահությամբ դուք կարող եք շատ բանի հասնել նույնիսկ առանց մոտիվացիայի: Կարևոր է նաև զարգացնել ձեր ներուժն ու կամք և չշեղվել փոքր, աննշան ու անիմաստ բաների պատճառով:

ՀԱՋՈՂԱԿ ՄԱՐԴԿԱՆՑ 7 ՀՄՏՈՒԹՅՈՒՆՆԵՐ

1.Կազմակերպչական հմտություններ

Յուրաքանչյուր հաջողակ մարդ նաև հաջողակ կազմակերպիչ է։ Առանց դրա հաջողության հասնելու ճանապարհ չկա։ Լավ կազմակերպիչը շրջապատված է մարդկանցով, որոնք վստահում են նրան, քանի որ նա պատասխանատվություն են վերցնում և լավ է կանխատեսում հետագա իրադարձությունները, դասակարգում է առաջադրանքներն ըստ առաջնահերթության և գտնում է ցանկացած խնդրի լուծման եղանակները:

2. Բանակցային հմտություններ

Հաջողակ մարդիկ ունեն լավ բանակցային հմտություններ, այդ է պատճառը, որ նրանք համոզիչ և վստահելի են թվում: Ոչ բոլորն են ծնված բանակցելու բնատուր տաղանդով, բայց բոլորը կարող են զարգացնել այս հմտությունը: Այս հմտությունն օգտակար է ունենալ ինչպես աշխատավայրում, այնպես էլ անձնական կյանքում։ Ձեր աշխատանքը կդառնա ավելի հեշտ, իսկ կյանքն՝ ավելի հաճելի։ Այնուամենայնիվ, այս հմտությունը զարգացնելու համար դուք պետք է շատ տքնաջան աշխատեք: Ինչպես հայտնի է, մարդիկ այսօր ավելի քիչ են հաղորդակցվում միմյանց հետ, ինչը նշանակում է, որ այս ոլորտում դժվարությունները շատ ավելի հաճախ կարող են առաջանալ։

3. Հաղորդակցման հմտություններ

Անկախ ձեր աշխատանքի և հասարակական կարգավիճակի դիրքից գործընկերների կամ հաճախորդների հետ շփումներից խուսափելը տարբերակ չէ: Դուք պետք է կարողանաք շփման եզրեր գտնել նույնիսկ դժկամ և քննադատաբար ձեզ մոտեցող ​​մարդկանց հետ։ Սա բավականին դժվար է, հատկապես, երբ դուք նյարդայնանում եք ամեն մի մանրուքից: Այնուամենայնիվ, հաջողակ մարդը պետք է կարողանա զսպել իրեն և կապ պահպանել այն մարդկանց հետ, որոնց բացարձակապես չի հավանում։

4. Ուրիշների զգացմունքները հասկանալու ունակություն

Շատ կարևոր հմտություն է, հատկապես եթե դուք աշխատում եք թիմում։ Դուք պետք է հասկանաք շրջապատի մարդկանց հուզական վիճակը, նրանց խնդիրները և հաճախ կարեկցեք նրանց: Եթե ​​ցանկանում եք ունենալ գերազանց թիմ, պետք է յուրաքանչյուր թիմի անդամին հասկանալ ոչ միայն մասնագիտական, այլև նաև հուզական տեսանկյունից: Առանց այս հմտության հնարավոր է աշխատել թիմով, բայց այն ունենալու դեպքում աշխատանքը շատ ավելի արդյունավետ կդառնա։ Դուք կարող եք սկսել զարգացնել այս հմտությունը ցանկացած պահի։ Պարզապես սկսեք ձեզ դնել դիմացի մարդու տեղը, խնդրին նայեք նրա տեսանկյունից:

5. Վերլուծական հմտություններ

Հաջողակ մարդիկ ունենում են խնդիրների լուծմանը վերլուծական ​​մտածողությամբ մոտենալու ունակություն։ Այդպիսի դեպքերում նրանք իրենց զերծ են պահում հուզականությամբ խնդրին մոտենալուց։ Օգտագործելով վերլուծական ​​մտածողությունը՝ դուք կարող եք շատ ավելի արագ և ավելի որակով լուծել բարդ և վիճելի հարցերը: Երբ խոսքը վերաբերում է ձեր գործին, կլինեն պահեր, երբ դժվար կլինի օբյեկտիվ դատողությամբ շարժվելը, այնուամենայնիվ որոշումները պետք է լիովին արդարացված լինեն:

6. Ուշադրության պահպանում

Ձեր ուշադրությունը միաժամանակ մի կենտրոնացրեք բազմաթիվ խնդիրների վրա, թեև երբեմն դա անհրաժեշտ է լինում: Երկարաժամկետ նպատակներին հասնելու համար դուք պետք է կարողանաք յուրաքանչյուր խնդրին առանձին և հիմնարար լուծում տալ։ Ամենօրյա խնդիրների պատճառով մարդիկ հաճախ շեղվում են իրենց առաջ դրված նպատակներից։ Անընդունելի է նման դեպքերում սպիտակ դրոշ բարձրացնելը։ Երբ դուք սահմանել եք նպատակներին հասնելու ձեր ուղին, հավատարիմ մնացեք դրան:

7. Թիմային աշխատանքի հմտություններ

Պաշտոններից մեծ մասը զբաղեցնելու դեպքում, նման հմտություն ունենալն ամենաարժեքավորը: Թիմում լավ աշխատելն իսկապես արվեստ է, սակայն այն հասանելի չէ այն մարդկանց, որոնք կարծում են, որ իրենք ամենինչում լավագույն են։ Օգտակար կլինի օբյեկտիվորեն գնահատել ձեր իսկ ունակություններն ու հմտությունները: Հաջողության ճանապարհին դուք չեք կարող անտեսել ուրիշների կողմից ձեզ մեկնած օգնությունը։

ՈՒԺԵՂ ԵՎ ԹՈՒՅԼ ՂԵԿԱՎԱՐՆԵՐԻ ՏԱՐԲԵՐՈՒԹՅՈՒՆՆԵՐԸ

Ուժեղ ղեկավարներն ունենում են իրենց տեսլականը, լինում են նորարար և կարողանում են ներգործել իրենց թիմակիցների վրա՝ դժվար պահերին նրանց աջակցելով: Լավ ղեկավարումն իր մեջ ներառում է առաջ շարժվելու և զարգացման ու բարգավաճման նոր հնարավորություններ գտնելու ունակություններ:

Վատ ղեկավարները սովորաբար լինում են կարծրամիտ, կենտրոնացված են լինում աշխատանքի վայրում կարծրատիպերի պաշտպանության վրա և հակված լինում մնալ իրենց տրված հարմարավետության գոտիներում: Ստատիկ մնալու այս մոտեցումը կարող էր ընդունելի ղեկավարման մոդել լինել 20 տարի առաջ, բայց այսօրվա արագընթաց զարգացող աշխարհում դա այլևս տարբերակ չէ: Այսօր փոփոխությունների չգնալը նշանակում է սրընթաց հետաճ ապրել:

Ուժեղ ղեկավարները կարողանում են ճկուն գտնվել և դրսևորվել տարբեր ձևերով, մինչդեռ վատ ղեկավարները սովորաբար շատ ընդհանրություններ են ունեն: Այնուամենայնիվ, կան նաև բազմաթիվ հակադրություններ։ Վատ ղեկավարումը կարող է գնահատվել նաև դրական, օրինակ հետևյալ ձևակերպմամբ՝ «Նա այնքան հիանալի տղա է, երբեք որևէ մեկի համար խնդիր չի ստեղծում և պարզապես թույլ է տալիս մեզ մեր աշխատանքը կատարել»:

Նման ղեկավարը կարող է լինել կամ պատվիրակության լավ խաղակից, կամ էլ պարզապես առճակատման համար թույլ ստամոքս ունեցող անձ։ Թեև ժամանակավոր լուծում տալը ևս արդյունավետ ղեկավարման կարևոր մաս է կազմում:

Որոշ վատ ղեկավարներ խուսափում են այն ամենից, ինչը կարող է առաջ բերել տարաձայնություններ: Արդյունքում խնդրին դիմակայելու անկարողությունը հաճախ հանգեցնում է դրա տարածմանը և ավելի մեծ, զգալի երկարաժամկետ վնասների պատճառ է դառնում:

Առճակատումից խուսափելու մեկ այլ բավականին տարածված մեթոդն այն է, երբ թույլ ղեկավարներն օգտագործում են իրենց ձեռքի տակ գտնվող ենթականերին իրենց իսկ <<կեղտոտ>> աշխատանքը կատարելու նպատակով: Դա սովորաբար պայմանավորված է նրանով, որ նման ղեկավարները չափազանց մտահոգված են լինում իրենց հեղինակությամբ։ Այդպիսի ղեկավարները հակված են մեղադրելու և հաշվետվություն պահանջելու բոլորից, բայց ոչ՝ հենց իրենցից։

ԺԱՄԱՆԱԿԻ ԿԱՌԱՎԱՐՄԱՆ 6 ՕՐԵՆՔՆԵՐԸ

 1. Սթիվ Թեյլորի օրենք 

Ձեր գործողությունների հերթականությունը մեծամասամբ ազդում է ձեր արդյունավետության վրա: Մի զբաղվեք ամենօրյա գործերով, եթե այդ պահին լի եք էներգիայով, կենսունակությամբ, ինչպես նաև ունեք ստեղծագործելու հսկայական ցանկություն: Անմիջապես սկսեք աշխատել ձեր մեծ նախագծերի վրա: Ի հակադրություն դրան, երբ ձեր էներգիան սպառվում է, փորձեք կենտրոնանալ ինչ-որ ձանձրալի, միապաղաղ և անհետաքրքիր ամենօրյա գործի վրա, օրինակ՝ դասավորեք փաստաթղթերի կույտը կամ կատարեք այլ նմանատիպ աշխատանքներ: 

2. Լճացման օրենք 

Երբ որոշակի արդյունքների եք հասնում արդյունավետության աճի տեմպը նվազում է: Երբ ձգտում ունեք իրականացնելու ձեր նպատակը և հատկապես սկզբնական փուլում ինչ-որ բան սկսում է հաջողություն ունենալ, այդ պահին շատ կարևոր է չհանձնվելը։ Եթե դադարեք գործել կամ որոշեք ընդմիջել, ձեր արդյունավետությունն անմիջապես կսկսի նվազել: Նախկին արդյունքներին վերադառնալը շատ դժվար կլինի։ Ուստի մի սպասեք վերջին պահին, ավելի լավ է քայլ առ քայլ անընդհատ շարժվեք առաջ։ Այդ դեպքում արդյունավետության և մոտիվացիայի մեծ անկում չեք գրանցի։ 

3. Հենրի Լաբուրեի օրենք

Յուրաքանչյուր մարդ ունի բնական հակվածություն, տաղանդ կամ կարողություն անելու այն, ինչ իրեն հաճույք է պատճառում: Մարդկանց մեծամասնությունը աշխատում է այնպիսի աշխատանքային ոլորտում, որը տհաճ է կամ անտանելի։Այսպիսի դեպքերում մարդիկ հասնում են աշխատավայր միայն վարձատրության համար և չեն գիտակցում, որ կարող են գումար վաստակել՝ զբաղվելով իրենց սիրած գործով: Բնականաբար, նման մարդիկ այնքան էլ արդյունավետ չեն աշխատում, և ժամանակն անցնում է նրանց կողքով։ Բայց միևնույն ժամանակ կյանքում կան բազմաթիվ իրավիճակներ, երբ պարզապես անհրաժեշտ է լինում անել ինչ-որ բան, նույնիսկ երբ դա ձեզ դուր չի գալիս։ Այնուամենայնիվ, ավելի արժեքավոր է, եթե դուք շարժվում եք ձեր սեփական ուղիով: 

4. Իրական հետաքրքրվածության օրենք 

Որքան մեծ է ձեր հետաքրքրվածությունը ձեր գործունեության նկատմամբ, այնքան ավելի արագ է անցնում ժամանակը: Սակայն կարևոր է չընկնել ծայրահեղությունների գիրկը, երբ նույնիսկ զբաղվում եք սիրած գործով։ Քանի որ բացի գործից դուք նաև ունեք ձեր ընտանիքի, առողջության, մարդկային հարաբերությունների և քնի կարիք։ 

5. Պարկինսոնի օրենք. 

Աշխատանքն ընդլայնվում է, երբ ժամանակ կա դրա ավարտի համար։ Այսպիսով, եթե որոշել եք մի հոդվածը գրել մեկ օրում, ապա այն կգրեք մեկ օրում: Իսկ եթե որոշել եք 10 գործ անել մեկ օրում, կանեք տասը, քանի որ որքան ժամանակ հատկացնեք ձեր գործին, այդ ժամկետում էլ ավարտին եք հասնում այն։ Ժամանակակից լեզվով ասված՝ յուրաքանչյուր առաջադրանք ունենում է միշտ իր վերջնաժամկետը։ Հենց որ սկսեք առաջադրանքներ անելիս օգտագործել ժամանակի սահմանափակումներ, ձեր արտադրողականությունը կավելանա առնվազն երկու անգամ: Արդյունքում դուք ունակ կլինեք երկու անգամ ավելի շատ բան անելու:

 6. Պարետոյի սկզբունք 

Ձեր գործողությունների 20%-ն է միայն հանգում ձեր հաջողության ա80%-ին: Մնացած բոլոր ոչ էական գործողությունները կազմում են ձեր կյանքի 80 տոկոսը, որոնք կարող են հանգել համապատասխանաբար միայն 20 տոկոս հաջողություն։ Այսպիսով ձեր գործողությունների միայն 20%-ն են ամենակարևորը։ Հետևաբար կարևոր է այդ 20 տոկոս գործողությունները գտնելը, առաջնահերթությունը սահմանելը և դրանք ամեն օր անելը։